بالفيديو انهيار شيري مجدي: أنا كنت بفكر في الانتحار لكن خايفة مش عايزة أموت كده

انهيار شيري مجدي ،تداول رواد مواقع التواصل الاجتماعي، فيديو للفنانة الشابة شيري مجدي، وهي منهارة وتبكي بسبب عدم حصولها على أي عمل فني طيلة الفترة الماضية.

وقالت “شيري” فى الفيديو المتداول لها: “بقالي أربع أشهر في ضيقة كبيرة، ومفيش شغل وكل اللي كلمتهم يساعدوني محدش ساعدني، أنا يتيمة الأب والأم، وعايشة لوحدي ومعنديش حد في حياتي يقف جنبي”.

وواصلت: “أنا مش طالبة من حد حاجة غير اللي شايف إني شاطرة يخليني اشتغل (…) أنا كنت بفكر في الانتحار لكن خايفة مش عايزة أموت كده، مش قدامي أي حلول، عمري ما أذيت حد، وياريت اللي يساعدني من غير ما يحسسني إني قليلة”.

وأضافت: «أنا مش عايزة أكون شمال مش عايزة حد يجبرني على حاجة، أنا بس بطلب المساعدة، أنا مش عايزة أكون كده، أنا محتاجة شغل بس يكون مع ناس محترماني مش بتشفق عليا».

وكتب الفنانة منة جلال على مقاطع الفيديو: “شيري ممثلة شاطرة ومش عشان معندهاش حد ولا وسطة تبقى كده، أنا نزلت الستوري ده عشان عندي ناس كتير جدا مخرجين ومنتجين وناس كتير في الوسط ممكن يساعدوها ويقفوا جنبها، أستغفر الله العظيم يارب».

من هي شيري مجدي:

ممثلة شابة مصرية ومن أشهر أعمالها دور فرح فى مسلسل اسم مؤقت إخراج أحمد جلال، ودور عزة في مسلسل بين السرايات اخراج سامح عبد العزيز ، ودور سمية في مسلسل قلوب ، ودور أشواق في مسلسل رقم مجهول، كما شاركت في فيلم “أمن دولت” وفيلم “توم وجيمي” وإخراج أكرم فريد.

وكانت قد ظهرت خلال موسم رمضان الماضي فى عملين وهما “فرصة تانية” مع ياسمين صبري ومسلسل “رجالة البيت”، مع أحمد فهمي وأكرم حسني.

انهيار شيري مجدي:

قد يهمك أيضا:

نور الشريف : هل تزوج سرا من الفنانة التونسية ” درة “

اترك رد

لن يتم نشر عنوان بريدك الإلكتروني.